കൊച്ചി: മെര്‍ക്കിന്റെ പിന്തുണയോടെ കൊച്ചി ബിനാലെ ഫൗണ്ടേഷനുമായി സഹകരിച്ചു നടത്തിയ ആര്‍ട്ട്‌ ബൈ ചില്‍ഡ്രന്‍ പരിപാടിയുടെ ഒന്നാം ഘട്ടം വിജയകരമായി പൂര്‍ത്തിയാക്കി. സംസ്ഥാന വിദ്യാഭ്യാസ വകുപ്പും പിന്തുണ നല്‍കിയ ഈ പരിപാടിയില്‍ 40 സ്‌ക്കൂളുകളില്‍ നിന്നുള്ള രണ്ടായിരം വിദ്യാര്‍ത്ഥികളാണ്‌ ആദ്യ ഘട്ടത്തില്‍ പങ്കെടുത്തത്‌. ഈ വര്‍ഷം മാര്‍ച്ചോടെ സംസ്ഥാനത്തെ 14 ജില്ലകളിലുമായി അയ്യായിരത്തിലേറെ വിദ്യാര്‍ത്ഥികളെ ആര്‍ട്ട്‌ ബൈ ചില്‍ഡ്രന്‍ പരിപാടിയില്‍ പങ്കാളികളാക്കാനാണ്‌ ഉദ്ദേശിക്കുന്നത്‌. കലാകാരന്‍മാരെ ഉള്‍പ്പെടുത്തിയുള്ള ഈ പരിപാടിയില്‍ വിദ്യാര്‍ത്ഥികള്‍ക്കു പുറമെ സ്‌ക്കൂള്‍ അധ്യാപകരേയും പങ്കാളികളാക്കും. അധ്യാപക പരിശീലന പരിപാടിയില്‍ ഉള്‍പ്പെടുത്തിയിരുന്ന 75 ല്‍ ഏറെ അധ്യാപകര്‍ ഈ പുതിയ വിദ്യാഭ്യാസ സങ്കേതങ്ങളും വിപുലമായ മാര്‍ഗ്ഗങ്ങളും പ്രയോജനപ്പെടുത്തിയുള്ള ആശയ വിനിമയത്തിനായി തുടര്‍ന്നും പ്രവര്‍ത്തിക്കും.
No comments:
Post a Comment